toor2

முழு உளுந்து தோசை

தேவையான பொருட்கள்:

  • இட்லி அரிசி — ஒரு கப்
  • பச்சரிசி — கால் கப்
  • முழு கறுப்பு உளுந்து — கால் கப்
  • வெந்தயம் — ஒரு தேக்கரண்டி
  • உப்பு — தேவையான அளவு

செய்முறை:

  1. தேவையான பொருட்களை தயாராக எடுத்து வைக்கவும்.
    இட்லி அரிசி மற்றும் பச்சரிசி இரண்டையும் கலந்து 2 மணி நேரம் ஊற வைக்கவும்.
  2. முழு உளுந்து மற்றும் வெந்தயத்தை சேர்த்து அரை மணி நேரம் ஊற வைக்கவும்.
    முதலில் உளுந்தையும் வெந்தயத்தையும் சேர்த்து நன்கு பொங்க அரைத்து வைக்கவும்.
    பின்னர் ஊறிய அரிசியை மையாக அரைத்து எடுக்கவும்.
  3. அதன் பிறகு அரைத்த உளுந்து மாவோடு அரிசி மாவைக் கலந்து தேவையான அளவு உப்பு சேர்த்து கலந்து வைக்கவும். மாவை புளிக்க விடவும்.
  4. மாவு புளித்ததும் தோசைக்கல்லில் நல்லெண்ணெய் தடவி தோசையாக வார்த்து எடுக்கவும்.
    சுவையான முழு உளுந்து தோசை தயார். இதனை வெங்காய சட்னியுடன் பரிமாறவும்.